তিনিচুকীয়া জিলাৰ মাৰ্ঘেৰিটা মহকুমাৰ মাৰ্ঘেৰিটা কৃষি চক্ৰৰ অন্তৰ্গত ১নং মাকুম ব্লক গাঁৱত ক্ষেত্ৰ দিৱস অনুষ্ঠিত কৰা হয়।
খাদ্য আৰু পুষ্টি সুৰক্ষা আঁচনিৰ অধীনত মাটিমাহ (ব্লেকগ্ৰাম) আৰু উচ্চ উৎপাদন ক্ষম জাতৰ ধানৰ ( HYV, Ranit Sub 1 variety) প্ৰদৰ্শনৰ ক্ষেত্ৰ দিৱস অনুষ্ঠিত হয়। এই কাৰ্যসূচীত অসমৰ কৃষি সঞ্চালকালয়ৰ জিলা নিৰীক্ষণ দলৰ বিষয়া মানবেন্দ্ৰ শৰ্মা আৰু নীলাক্ষী বাইথুৰীৰ সৈতে সহকাৰী কৃষি সঞ্চালক ৰজিত দত্ত, মাৰ্ঘেৰিটা মহকুমা কৃষি বিষয়া বিনয় কুমাৰ ডেকা, জ্যেষ্ঠ কৃষি উন্নয়ন বিষয়া ৰুবুল গোহাঁই, জ্যেষ্ঠ তথা মাৰ্ঘেৰিটাৰ কৃষি উন্নয়ন বিষয়া জ্যোতিবন দত্ত আৰু কৃষি সম্প্ৰসাৰণ সহায়ক গিতুল চাওলু উপস্থিত থাকে। দুয়োটা শস্য চপোৱা অনুষ্ঠানতে প্ৰায় শতাধিক কৃষকে অংশগ্ৰহণ কৰে। জিলা নিৰীক্ষণ দলৰ বিষয়াসকলে স্থানীয় কৃষকৰ সৈতে মত বিনিময় কৰি শস্যৰ অধিক উৎপাদনৰ বাবে বিভিন্ন ব্যৱস্থাৰ ওপৰত পৰামৰ্শ আগবঢ়ায়। তিনিচুকীয়া কৃষি বিভাগৰ এনে পদক্ষেপৰ বাবে কৃষকসকলে সন্তুষ্টি আৰু কৃতজ্ঞতা প্ৰকাশ কৰে।