তিনিচুকীয়া,৪ ডিচেম্বৰঃঅসম কৃষি বিশ্ববিদ্যালয় আৰু তিনিচুকীয়া কৃষি বিজ্ঞান কেন্দ্ৰৰ উদ্যোগত আৰু তিনিচুকীয়া জিলা কৃষি কাৰ্য্যালয়ৰ সহযোগত জিলা কৃষি বিজ্ঞান কেন্দ্ৰৰ সভাকক্ষত আজিৰে পৰা কৃষি সামগ্ৰী ব্যৱসায়ীসকলৰ ১২ দিনীয়া প্ৰশিক্ষণৰ আৰম্ভ কৰা হয়।
সভাৰ আঁত ধৰে বিষয়বস্তু বিশেষজ্ঞ (শস্য প্ৰতিৰক্ষা বিভাগৰ) ড° শাৰদী বৰুৱাই আৰু সভাৰ উদ্দেশ্য ব্যাখ্যা কৰে জ্যেষ্ঠ বিজ্ঞানী তথা কৃষি বিজ্ঞান কেন্দ্ৰৰ মুৰব্বী মৃণ্ময় চেতিয়াই। উক্ত সভাত ব্যৱসায়ীসকলক উদ্দেশ্যি সুসংহত কীট আৰু শস্যৰোগ ব্যৱস্থাপনা , ৰাসায়নিক, কীটনাশক আদিৰ সীমিত আৰু যথোপযুক্ত ব্যৱহাৰ বিষয়ত এক গুৰুত্বপূৰ্ণ মন্তব্য আগবঢ়াই জিলা কৃষি বিষয়া দীপক মেনাই। কাৰ্য্যসূচীত ৪০ জন কৃষি সামগ্ৰী ব্যৱসায়ীক কৃষি সামগ্ৰী আৰু তাৰ ব্যবহাৰৰ সম্পৰ্কে প্ৰশিক্ষণ প্ৰদান কৰা হ’ব।
সভাত কৃষি সামগ্ৰী ব্যৱসায়ীসকলৰ লগতে উপস্থিত থাকে বিষয়বস্তু বিশেষজ্ঞ (পথাৰ শস্য বিভাগৰ) প্ৰিয়ংকা আমং, বিষয়বস্তু বিশেষজ্ঞ (ভূমি বিজ্ঞান বিভাগ) ড° কৃপাল বড়া, মেডিয়া বিশেষজ্ঞ প্ৰেমানন্দ দাস আৰু কৃষি বিজ্ঞান কেন্দ্ৰ আৰু কৃষি বিভাগৰ কৰ্মচাৰীবৃন্দ।